DFA, DFM ETA DFT
Bezeroarekin lankidetzan, ingeniaritzako soluzioak eskaintzen ditugu, bukaerako produktua hobetzeko eta aukerak identifikatzeko, fabrikazio prozesuko eta probetako materialen kostua murrizteko eta testabilitatea hobetzeko.
Nola egiten dugu
Hasieratik amaierara zuretzat.
Materialen erosketa eta kudeaketa logistikoa
Balio erantsia da gure zerbitzu gaman, sektorearen, fabrikatzaileen eta banaketa lerroen gaineko ezagutza sakona ematen baitu, bai eta merkatuaren bilakaeraren gainekoa ere, kostuen aurrezteko ezagutzez gain.
Prototipoak / Aurreserieak prestatzea
Lehen laginak mihiztatzen ditugu, industrializazio prozesua gure bezeroen eskakizunen arabera ebaluatzeko, zuzentzeko eta hobetzeko, seriean ekoiztera bidali aurretik fabrikazio prozesua eta kontrolak kualifikatzeko.
PCBAen fabrikazioa
Fagor Electrónicak aukera sorta zabala eskaintzen du, tartean dela muntaketa eta soldadura teknologia desberdinekin muntatzea. Muntaketa automatikoa SMTn zein THTan; soldadurarako hainbat teknologia, hala nola nitrogeno errefluxua, soldadura selektiboa eta uhin bidezkoa, barra beroa, proba, SPI 3D lerroan, AOI 3D, ICT eta FCT lerroan eta lerroz kanpo, estaldura eta kapsulatzea, gure bezeroen premien arabera eta merkatuaren eskakizunen arabera garatuak.
Fidagarritasuna
Osagaien laborategi aurreratu bat dugu, eta burn-in bitartekoak, bai eta produktuen hezetasuna eta tenperatura kontrolatzeko eta produktuen talka eta ziklo termikoen saiakuntzetarako ganbara klimatikoak ere, eta horiei denei esker fidagarritasun bikaina ziurtatu dezakegu gure produktu guztietan.
Nazioarteko banaketa
Prozesua ez da produktua fabrikatzean amaitzen; Fagor Electronicak zerbitzu integrala ziurtatzen du, beraz, bezeroari etxean entregatzen diogu produktua.
Zure premia espezifikoetarako zirkuitua dugu
Automobilgintza
Ibilgailu gama zabal baterako zirkuitu elektrikoak fabrikatzen ditugu, zehazki ibilgailuen beira igogailu elektriko, kontsola, etengailu, kontrol aginte eta giroko eta sabaiko argietarako.
Esperientzia dugula ziurtatuta dago IAFT 16949 ziurtagiriaren bidez eta automobilen fabrikatzaile eta TIER-1 nagusien homologazioaren bidez.
Telekomunikazioak
Telekomunikazio zerbitzuak eraikin eta etxeetako azpiegituran banatzeko ekipamenduen diseinua, garapena eta fabrikazioa.
Industriako elektronika
Potentziako elektronikoan erabiltzeko zirkuituak garatzen ditugu, batez ere kontrol elektronikoko armairuetarako eta inbertsoreetarako pentsatuta.
Etxetresna elektrikoak
Fagor Electrónicatik milaka etxetara. Askotariko etxetresna elektrikoen elektronika sortzen dugu. Indukzioko gaineko sukaldeetarako eta/edo bitrozeramiketarako touch kontrolak, bai eta garbigailu edo hozkailuetarako kontrol elektronikoak ere, beste gauza askoren artean.
Energia berriztagarriak
Ingurunearekin dugun konpromisoaren adierazgarria dira, halaber, energia berriztagarrien enpresentzat eta, batez ere, sistema fotovoltaikoetarako eta termosolarretarako fabrikatzen ditugun produktu elektronikoak.
Aeronautika
Aeronautika sektorean gero eta beharrezkoagoak dira inbertsoreak; horregatik, Fagor Electrónican sektore horretarako zirkuituak elektronifikatzen eta sentsorizatzen ditugu.
Kalitatearen bermea gara.
Beste modu batean egiteak dakarren konpromisoa.
1993an ISO 9001 Kalitate Ziurtagiria lortu genuen. 1995az geroztik, Fagor Electronicak EFQM eredu europarra hartu du kudeaketarako erreferentzia gisa, eta, hala, 1998an Enpresa Bikaintasunaren zilarrezko Q eskuratu zuen.
Gaur egun, automobilgintzarako IAFT 16949 ziurtagiria dugu, bai Arrasaten dugun lantegian, bai Thailandian. Era berean, sektore horretako fabrikatzaile eta TIER 1 nagusien homologazioa dute gure lantegiek.
Enpresan errotutako balioa ere bada ingurumenarekiko sentikortasuna, eta horrekin eskaintzen duen kalitatea maila guztietara zabaltzen du. Horren emaitza da ISO 14001 Egiaztagiriaren lorpena. Arrasateko lantegian 2002an lortu zen eta Tailandiakoan, berriz, 2014an. Kalitatea inplizituki dago gure egiteko moduan.
