FAGOR Multimedia Solutions-en uste dugu ondo prestatutako talentua sektorean txertatzeko moduetako bat pertsonak gaitzen laguntzea dela. Horregatik, maiatzean prestakuntza espezializatua eman diogu Galdakaoko Andra Mari Lanbide Heziketako Zentroko Telekomunikazioetako eta Informatikako goi-mailako irakasle-taldeari.

Prestakuntza GPON (Gigabit Passive Optical Network) teknologia eta ekipamenduetan oinarritu da. Zuntz optikoko sare-teknologia da, datu kopuru handiak modu eraginkorrean eta abiadura handian transmititzeko aukera ematen duena. Zuntz optikoko operadoreek zuntz bidezko Interneteko konexioa bezeroen etxeetara eramateko erabiltzen dute. Gainera, laborategia sare optikoko teknologiez hornitu dugu. Horrelako jakintza transferitzeko ekimenekin – konpainia berriaren jardueran presentzia handia izango dutenak –, prestakuntza lehiakorragoa lortzen laguntzen dugu, lan-merkatuaren premiekin bat datorrena.  Eskerrik asko Andra Mari LHko Zentroko taldeari, interesagatik eta harreragatik, lankidetza-aukerak aztertzen jarraituko dugu.